Делегација од Општина Куманово оствари работни средба во општина Банско и општина Дупница во соседна Бугарија.
На средбите, информираа од општина Куманово, делегациите разговарале за можностите за продлабочување на соработката и заедничкиот настап на повикот за проектни предлози од ИПА Програмата за прекугранична соработка на Европската унија, Бугарија и Македонија.
Во општина Банскодвете делегации потпишале „Договор за партнерство” за поднесување на предлог проект, при што како партнери се „Фондацијата за култура и спорт” при општина Куманово, водечки партнер и „Народно Читалиште Димитар Благоев 1925” од Добриниште во Бугарија.
На средбата било договорено и потпишување на втор „Договор за партнерство” помеѓу Библиотека „Тане Георгиев“ Куманово и „Народно Читалиште Никола Вапцаров” општина Банско.
Во општина Дупница, постигната начелна согласност за заеднички настап на предлог инфраструктурен проект за адаптација и реконструкција на заштитен објект „Градска Куќа” (поренешен Хотел – Солун) во општина Куманово.
Договорено е наредната средба да се одржи во општина Куманово, со цел потпишување на „Договор за партнерство” и заеднички настап на општина Куманово и општина Дупница, информираат од општина Куманово.