Македонската платформа против сиромаштија и нивните членки здруженијата Јустиција и Фибула, денеска на градскиот плоштад во Куманово го организираа четвртиот по ред марш по повод 8 Март, Меѓународниот ден на жената. Од здруженијата посочија дека преку овогодинешниот марш јавно се потенцира сиромаштија во контекст на родовиот аспект.
Оливера Доцевска, од здружението Јустиција изјави дека годинава, маршот го спроведуваат со поддршка на Македонската платформа против сиромаштија и дека вакви симболични маршеви се организираат на ниво на државата, со цел да се укаже дека не треба само декларативно да се потенцира родовата рамноправност, туку се потребни акции за суштинско потенцирање на еднаквоста.
– Сиромаштијата е сексистичка, поголем е бројот на жените кои се сиромашни, жените се уште земаат плата пониска од нивните колеги, поголем е бројот на невработени жени, дури и во спортот нивниот успех не наидува на еднакво воодушевување како кај мажите, изјави Доцевска.
Македонската платформа против сиромаштија укажува дека на Меѓународниот ден на жената е потребно е да се проговори за социо-економските фактори кои ја поддржуваат родовата нерамноправност.