Видео-повторувањата можат да им помогнат на судиите, па ФИФА е должна да го прифати официјално ВАР системот како составен дел од играта, тврди претседателот на Светската фудбалска организација, Џани Инфантино.
Ова се очекува да се случи за време на состанокот на Советот на ФИФА овој викенд.
– Пред две години бев скептичен кон ВАР. Но сега сум убеден дека тоа ќе биде од корист за фудбалот. Не можеме да си дозволиме во 2018 година телевизиските гледачи и оние на трибините, кои располагаат со телефони, да знаат дека судиите згрешиле, а ние да не сме свесни за тоа. Ако можеме да помогнеме, треба да го направиме тоа, изјави денеска Инфантино пред состанокот на Советот на ФИФА.