По средбата во Виена, шефот на македонската дипломатија Никола Димитров и неговиот грчки колега Никос Коѕијас би можеле повторно да се сретнат во Софија, објавија грчките медиуми.
Државната ТВ ЕРТ јави дека нивната средба треба да се одржи денеска, додека останатите медиуми со доза на резерва објавуваат дека е можно и веројатно двајцата министри за надворешни работи да се сретнат на маргините на неформалниот состанок Гимних во Софија, јавува дописникот на МИА од Атина.
Весникот „Авги“, што важи за гласник на СИРИЗА, пишува дека сѐ повеќе се згуснуваат чекорите „за решавање на македонското прашање“, а по средбата во Виена веројатно е дека Димитров и Коѕијас одново ќе се сретнат во Софија.