(ВИДЕО) ВМРО-ДПМНЕ: Наместо да се трошат 5 милиони евра за размонитрање на галиите нека се направат градинки

Од:

Данијел Апостолоски, советник во Советот на Општина Ѓорче Петров од ВМРО-ДПМНЕ денеска на прес-конференција изјави дека неговата партија во програмата за локалните избори имале предвидено две нови градинки во Волково и Ново Село, како и ново училиште во општина Ѓорче Петров, проекти што би чинеле близу 2 до 3 милиони евра.

– Разочарувачки и иритантно е Шилегов да се расфрла со народни пари за дислоцирање на објекти што не му се допаѓаат. На Петре Шилегов од нигде никаде му текнало со 5 милиони евра да размонтира галии од реката на Вардар, за кои притоа не е даден ниту еден денар од Градот Скопје и сите тие се во приватна сопственост. Во тој случај има шанса сега градоначалникот на Ѓорче Петров Александар Наумоски да го реши проблемот со недостигот на градинки и училишта во Ѓорче Петров. Наместо да дава Шилегов 5 милиони евра за галиите, нека пренамени половина од парите во Ѓорче Петров и да се изградат градинките и училиштето, рече Апостолоски.

Тој додаде дека тоа е класично недомаќинско и расипничко работење и дека Шилегов е спремен 5 милиони евра да ги фрли во вода, а не да реализира проекти кои им се неопходни на граѓаните.

– Доколку Шилегов сака да ги дислоцира галиите, тоа нека не го прави со парите на граѓаните, туку нека си го направи од сопствените доколку ги има, од кириите, или ако си заработил.
Граѓаните не заслужуваат нивните пари да бидат трошени за исполнување на хировите на Петре Шилегов, рече Апостолоски.

Би можело да ве интересира

Кои се пратениците со кои ВМРО-ДПМНЕ дојде до парламентарно мнозинство: Со ЗНАМ во Влада ќе се обезбеди и двотретинско

Орце Костов

Почна средбата на работните групи на ВМРО-ДПМНЕ и Вреди за новата влада

ВМРО-ДПМНЕ и Вреди ги продолжуваат разговорите за нова влада

ВМРО-ДПМНЕ: Министерството за здравство крахираше и во случајот Токсикологија

Тројца истепани во угостителски објект во Градскиот парк во Скопје

(ВИДЕО) Мицкоски: Ги поставивме контурите на рамката врз која ќе ја градиме коалицијата

Орце Костов