Сообраќајот на државните патишта се одвива без забрани, по претежно суви коловози, додека на повисоките планински и осојничави места коловозите се влажни. Намалена видливост од 50 до 100 метри поради појава на магла има кај Сарамзалино, Неготино и на патниот правец Катланово-Велес, информираат од АМСМ.
На патниот правец А-2 Кичево – Охрид (помеѓу планински премин Пресека и с.Врбјани) поради изведување градежни работи на патот (минирање) денес, петок 09.02.2018 во периодот помеѓу 12:00 и 15:00 часот сообраќајот ќе биде во прекин околу 15 минути.
Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.
АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.
Законската обврска за задолжително поседување на зимската опрема во возилата, без оглед на временската состојба, трае до 15-ти март 2018 година.