Медијаторот Метју Нимиц за 29 и 30 јануари во Њујорк свика нова средба на преговарачите Јолевски и Василакис.
Во кусото соопштение пишува дека средбата е продолжение на разговорите што тој со високи државни претставници ги имаше минатата недела во Атина и Скопје.
За време на минатонеделните средби медијаторот Нимиц претстави како што рече познати, но дополнети предлози за можни решенија, а од двете земји си замина со за него невообичаено оптимистички изјави дека кај двете страни постои позитивна клима и волја за можно решение.
Нимиц од Скопје најави интензивирање на разговорите, а новата средба само две недели по посетата на Скопје и Атина е невообичаено интензивна динамика за преговарачкиот процес.