Во ноември минатата година во Македонија се регистрирани 34.756 туристи, со 80.580 ноќевања. Во однос на ноември 2011, бројот на туристите е зголемен за 5,9 проценти, а на ноќевањата за 11,4 проценти.
Според Државниот завод за статистика, бројот на домашните туристи во ноември лани споредено со ноември 2011. е зголемен за 21,4 проценти, а на странските туристи е намален за 2,7 проценти. Ноќевањата на домашните туристи бележат раст за 17,5 проценти, а на странските за 6,3 проценти.
Во периодот јануари-ноември 2012 година, во однос на истиот период од 2011 година, Статистика евидентира зголемен број на туристите за 2,9 проценти. Притоа, кај домашните туристи има намалување за 2,2 проценти, а кај странските зголемување за 7,8 проценти. Ноќевањата се намалени за 1 процент. Кај домашните туристи има намалување за 5,6 проценти, а кај странските зголемување за 7,7 проценти.