Јавниот обвинител во петокот го известил новиот судија за случајот „Поткуп“ Дарко Тодоровски дека не може да присуствува на денешното рочиште, поради што тоа е одложено за 26 февруари.
Одложено беше и претходното рочиште за случајот „Поткуп“ во кој обвинет е премиерот Зоран Заев, бидејќи предметот не беше пристигнат од Апелацискиот суд, кој одлучуваше по жалбата на одбраната на Заев. Тие бараа видеоснимките од посебните истражни мерки да бидат користени како доказ во судската посапка, бидејќи дел од нив биле објавени на интернет.
Заев е обвинет дека како градоначалник на Струмица бара поткуп од 160 илјади евра од бизнисменот Иван Николов Сачевалиев за легализација на градежно земјиште.