Победи за екипите од Манчестер на денешните дерби средби од 22. коло во Премиер лигата, одиграни во Лондон и во Манчестер.
На „Олд Трафорд“ во вечното дерби на англискиот фудбал лидерот Манчестер Јунајтед со 2:1 го победи Ливерпул, додека шампионот Манчестер Сити славеше со 2:0 на гостувањето во Лондон против Арсенал.
Ваквиот епилог придонесе да нема промени во бодовната разлика на врвот на табелата.
На другите натпревари од оваа рунда постигнати се следниве резултати: Стоук – Челзи 0:4, КПР – Тотенхем 0:0, Астон Вила – Саутемптон 0:1, Евертон – Свонси 0:0, Фулам – Виган 1:1, Норвич – Њукасл 0:0, Рединг – ВБА 3:2 и Сандерленд – Вест Хем 3:0.
Табела: Манчестер Јунајтед 55 бодови, Манчестер Сити 48, Челзи 41, Тотенхем 40, Евертон 37, Арсенал 34, ВБА 33, Ливерпул 31,…