Комисија од Министерството за здравство ќе испитува како настанала смртта на 31-годишната родилка, која почина при породување во приватна болница. Тие велат дека откако ќе ги имаат сите информации, ќе ја информираат јавноста.
Неофицијалните информации велат дека откако при ставање целосна анестезија ѝ се затвориле дишните патишта, повеќе од еден час докторите се обидувале да ја вратат во живот, а, пак, по триесет минути го извадиле бебето од утробата на мајката, кое исто така било без кислород. Родилката од приватната болница била однесена во Клиниката за анестезија, реанимација и интензивно лекување.
Сè уште не се знае кога настанала смртта, од приватната клиника, но и од КАРИЛ велат дека родилката не починала во нивната установа. Настанот се случил во четвртокот, а телото беше на Институтот за судска медицина каде што била извршена обдукција. Бебето, пак, е во стабилна состојба, но сè уште прима медицински терапии.
К. Л.