Девет мигранти од Пакистан без документи биле откриени вчера при рутинска полициска контрола кај клучката за село Арачиново.
Од Министерството за внатрешни работи информираат дека мигрантите биле во патничко моторно возило пик-ап „Мазда“ со велешки регистарски таблици управувано од Б.И. (27) од село Рашче, Скопско.
Полицијата го запрела возилото, па по проверката мигрантите и возачот биле приведени во полициската станица Гази Баба за натамошна постапка.