Во фрлањето по светиот крст во Дебар учествуваа пет лица, од кои најсреќен беше Чедо Петревски, студент на ДИФ.
Верниците кои го празнуваат големиот православен празник Водици и оваа година ја продолжија традицијата, а на богослужбата во црквата „Света Петка“ присуствуваа жителите, но и посетители од други градови.
„Пресреќен сум. По вторпат скокам по светот крст, а сега првпат ми се насмевна среќата. Посакувам многу здравје, среќа, радост за сите, мир и благосостојба во целиот свет“, рече Петревски.
Како изминатите, така и оваа година, црковниот одбор издвои парични средства како награда за среќниот фаќач на крстот.