Денеска во Охрид се одржува најголемата манифестација по повод православниот христијански празник Богојавление – Водици.
Чествувањата започнаа утрово со златоустова литургија во црквата „Успение на Пресвета Богородица“ – Каменско. Света златоустова литургија имаше во сите парохиски цркви во Охрид со почеток во 8 часот, освен на Плаошник.
Потоа следуваше поаѓање на литиите кон градското пристаниште каде се врши големиот богојавленски водосвет, а потоа се положува и крстот во осветените езерски води.
Годинава во Охрид пријавени се 350 скокачи по крстот. Богојавление е повод за посета и на голем број туристи во најголемиот туристички македонски центар.