Шпанија отвори нова линија за брзи возови, со почетна станица во Барселона и попатни одредишта во Франција. Новата пруга е долга само 131 километар, а е дел од сеопфатниот проект чија цел е комплетно поврзување на шпанските и француските брзи пруги.
Оваа врска, која според шпанските официјални лица ќе биде завршена во април, ќе овозможи патување од Барселона кон водечките француски градови без преседнување.
Вкупната вредност на градежните работи изнесува 3,7 милијарди евра, а патниците за само 6,5 часа, односно еден час пократко од порано, ќе можат да стигнат во Париз од Барселона или обратно.
Шпанскиот престолонаследник принцот Филип, премиерот Мариано Рохај и претседателот на Каталонија Артур Мас ја отворија новата линија која ги поврзува Барселона со Џирона и Фигерес, градови на границата со Франција.
Со 3.000 километри брзи пруги Шпанија го зазема вторто место во светот, веднаш зад Кина.