Попладнево на улица Св. Јоаким Осоговски во Крива Паланка малолетник прегазил 44-годишна жена, која што починала на лице место.
Како што известија од МВР, несреќата се случила денеска околу 14.30 часот, кога малолетникот Д.Н. со возило „ауди А3“, движејќи се од центарот на Крива Паланка кон периферијата удрил во жената И.Н. родена во 1973 година.
Жената била тешко повредена, по што со возило на итната медицинска помош била пренесена во здравствениот дом во Крива Паланка, каде што бил извршен обид за реанимација, но неуспешен, по што лекарите констатирале смрт.
Увид на местото на несреќата извршиле екипи на МВР и Основното јавно обвинителство.