По усвоената одлука од страна на Советот на општина Крива Паланка за субвенционирање превоз на десет студенти кои студираат на државните универзитети во Штип и Скопје, денеска е објавен и официјалниот конкурс за субвенциониран презоз на студенти за 2018 година жители на општината.
Субвенционирањето ќе опфати два повратни месечни билети со превоз од авто-превозникот „Пролетер“ од село Конопница, Крива Паланка.
Право на субвенција имаат студентите кои се запишани на државните универзитети во Штип и Скопје и ги исполнуваат следните услови: да се жители на општина Крива Паланка, да се редовни студенти, да не повторувале година во текот на студирањето и да се државјани на Македонија.