Извршниот комитет на ВМРО-ДПМНЕ денеска треба да одлучи за барањата на опозицијата во однос на претстојните локални избори.
За потсетување, СДСМ побара, а останатите партии од опозицискиот фронт ги поддржаа барањата, за одржување на локални заедно со парламентарни избори, но од влада која би имала кредибилитет и легитимитет добиен со консензуална поддршка од сите релевантни партии застапени во парламентот.
– Нејзиниот мандат ќе трае само во периодот од распишување до завршување на изборите и нејзина единствена задача е објективно и законско спроведување на изборниот процес. Посебно е важно клучните ресори и институции за изборите да бидат раководени од личности кои со својот личен кредибилитет ќе гарантираат објективност. Тоа се министерот за правда, министерот за внатрешни работи, министерот за финансии и директорот на јавниот сервис МРТВ – рече Црвенковски.