Научниците испитуваат необична појава во окените на јужната половина на земјата, каде е забележан феномен на помали вртлози кои изгледаат како огромен вир во кој водата се врти во обратна насока.
Науката и порано знаела за постоењето на водени вртлози во oкеаните, но овие новооткриени феномени имаат необични карактеристики. Тие се вртат 10 пати побрзо од обичните вирови, се поврзани под вода во форма на латинската буква U и можат да патуваат низ океанот дури шест месеци.
Било откриено дека овие вирови можат и да вшмукаат помали морски суштества и да ги исфрлат многу далеку од првичното место каде ги заробиле.
Крис Хјуз, океанограф од Ливерпул, вели дека обичните вртлози имаат важна улога за опстанокот на морскиот свет, бидејќи ги креваат хранливите честички од дното на морето и ги носат поблиску до површината, а придонесуваат и кон мешањето на студената и топлата вода.