По пишувањата на порталите дека пратеникот и координатор на пратеничката група на ВМРО-ДПМНЕ, Илија Димовски самоволно ја напушта неговата функција координатор и на негово место доаѓа Владимир Ѓорчев, Макфакс контактираше со Ѓорчев, кој ниту ја потврдува ниту ја демантира оваа информација.
„Со конкретен став во однос на прашањето дали ќе има промена на кординаторот на пратеничката група, ќе ве известиме со официјално соопшптение“, рече Ѓорчев.
Макфакс не успеа да стапи во контакт со Илија Димовски, односно тој не одговори на нашите повици.
За потсетување, пратеникот Димовски заедно со неколку пратеници од ВМРО-ДПМНЕ, со отворено писмо побараа одложување на изборот на нов лидер на партијата. Овие информации доаѓааат непосредно по конгресот кој се случуваше викендов во Валандово.
К.Л.