Делчевските средношколци предновогодишно ќе израдуваат деца од маргинализирани семејства од Делчево и Скопје во рамките на новогодишната хуманитарната акција за помош на 150 семејства, организирана од скопското Здружение за заштита и помош и унапредување на статусот на маргинализираната група граѓани „Градиме иднина во Скопје“.
Како што истакна педагогот на СОУ „М.М.Брицо“, Дијана Цонева, освен скопски семејства, дел од собраните средства ќе добијат и децата со посебни потреби во Делчево и семејства кои живеат на социјалното дно во овој град.
– Во акцијата учествуваа и вработените од училиштето, а свои средства и производи донираа повеќе институции во градот. Ја користам оваа прилика да се заблагодарам на сите кои ја помогнаа хуманитарната акција која има една единствена цел да се разубават новогодишните празници и на децата кои живеат во сиромашни семејства во Делчево и во Скопје, рече Цонева.