Вкупно 23 невработени лица од Куманово, од ромската етничка заедница, денеска добија сертификати за успешно завршени обуки за гипсарство и фасадерство, монтажа на пвц столарија и ѕидарство.
Сертификатите беа доделени на денешниот Саем за вработување што се одржа во Центарот за култура „Трајко Прокопиев“ на кој учествуваа и дваесетина мали и средни претпријатија од Куманово.
Тоа е во рамки на проектот „Одржливи модели за вработување на Ромите”, што го организира Хабитат Македонија и ДРОМ, во соработка со повеќе партнерски организации и општина Куманово.