На 15 декември (петок), ќе биде отворена Канцеларија за печалбари при Општина Гостивар,
Оваа канцеларија ќе функционира во форма на шалтер, а работното време ќе трае од 08:00 до 20:00 часот.
Оваа канцеларија се отвора со цел на нашите печалбари максимално да им се олеснат административните процедури во Општината, Полицијата или Судот, соопштуваат од Општина Гостивар.
Оваа канцеларија ќе биде отворена до 15 јануари 2018 година, за да повторно се отвори во летниот период кога има прилив на печалбари.
Канцеларијата ќе биде сместена во Центарот за информирање при Општина Гостивар.