ВМРО-ДПМНЕ потврди дека 16 делегати биле исклучени од конгресот и дека за оваа одлука тие претходно биле консултирани и од нив била добиена согласност.
„Во врска со шпекулациите дека неправедно се исклучени 16 делегати од конгресот, ВМРО-ДПМНЕ ја информира јавноста: Едно лице е исклучено заради тоа што е починато. Останатите заради тоа што се вработени или функционери во МНР, МВР или регулаторни тела каде со закон е забрането да членуваат во партиски тела.
Конгресот заедно со делегатите е највисокото партиско тело на партијата.
За сите овие разрешувања е разговарано со секој поединечно и е добиена согласност од него, за најголем дел и писмена оставка.
Доколку ова не се преземеше дел од овие лица ќе останеа без работа или ќе беа разрешени од функциите“, се вели во соопштението на ВМРО-ДПМНЕ.