Општина Гевгелија и друштвото „Пакомак“ од Скопје денеска ја почнаа кампањата за подигнување на јавната свест и придобивките од пакување и правилно постапување со отпадот,односно неговата преработка и рециклирање.
Од јавното комунално претпријатие „Комуналец“ потврдија дека за потребите на кампањата веќе биле донирани 20 контејнери, по десет за собирање хартија и исто толку за собирање пластика и лименки кои наредниве денови ќе бидат распоредени во централното градско подрачје.
Покрај ова набавени се уште 50 помали контејнери кои ќе се распределат на училиштата и јавните институции во општина Гевгелија.