Пратеникот од редовите на ВМРО-ДПМНЕ, Љубен Арнаудов влезе на распит во Кривичниот суд.
Тој пред да влезе се срдечно се поздрави со пратениците од ВМРО-ДПМНЕ кои се наоѓаат пред влезот на Судот.
Од спореден влез на Судот, најверојатно влезе и пратеникот и екс министер за земјоделство, Љупчо Димовски.
По исказот на 6-те осомничени пратеници, Јохан Тарчуловски, Жаклина Пешевска, Сашо Василевски, Крсто Муковски, Љубен Арнаудов и Љупчо Димовски, Судот ќе решава дали ќе им одреди мерка притвор.
Тие се дел од 36-те лица кои Основното јавно обвинителство ги гони за „терористичко загрозување на уставниот поредок и безбедноста“, во врска со настаните од 27 април годинава во Собранието на Република Македонија.
Виктор Јованов