Дел од адвокатите кои ги бранат обвинетите поднеле жалба до кривичниот совет за притворите.
Од Кривичниот суд за „Макфакс“ велат дека сè уште течат роковите во кои странките може да поднесат жалба на решението на судија на претходна постапка.
Роковите за секое поединечно решение, односно за секое лице се индивидуални и рокот од 24 часа почнува да тече откако странките, односно, со оглед на тоа дека се работи за претворски предмет, обвинителството и одбраната ги примат решенијата.
„Кога жалбите ќе пристигнат во судот, се доставуваат на надлежно постапување кај Кривичниот совет кој има рок од 48 часа да донесе одлука. Зависно од тоа кога ќе се комплетираат предметите, советот ќе донесе одлука и ќе може да информира за бројот на предмети и донесените одлуки“, велат од Кривичниот суд.
В.М.