Пратеникот на ВМРО-ДПМНЕ, Влатко Ѓорчев од пред Судот изјави дека сабајлево во 5 часот полицијата на брутален начин влегла кај Жаклина Пешевска, Крсто Мукоски, Љубен Арнаудов, Сашо Василевски и останатите, при што со по 20 припадници на МВР ги разбудиле и исплашиле нивните семејства, меѓу кои се наоѓале и малолетни деца.
Тој тврди дека со калашникови, панцири и борбена опрема влегле кај приведените.
Ѓорчев пред насобраните читаше емотивни пораки од семејствата на приведените.
– Луѓето што се внатре во Судот и што одлучуваат за притворените треба да знаат и дека одлучуваат дали ќе бидат запишани на црните страни на македонската историја, рече Ѓорчев.
За крај тој кажа дека ова не е спринт трка, туку е маратон и дека ќе бидат издржливи и на крајот ќе победат.
Виктор Јованов