Пратеникот од редовите на ВМРО-ДПМНЕ, Антонијо Милошоски упати прашање до премиерот Зоран Заев дали има грижа на совест за притворот на Едмонд Темелко кој има сериозни здравствени проблеми.
Заев одговори дека чувствува грижа на совест за притворениот градоначалник на Пустец поради неговата сериозно влошена здравствена состојба при што кажа дека Судот треба да ја земе во предвид неговата состојба како олеснителна околност.
Апелирам до Судот, во вакви случаи што е можно повеќе да избегнува притвор. Притвор треба да има само кога е апла морално, рече Заев.
Милошоски реплицираше на овој одговор на Заев при што кажа дека Темелко при лоша здравствена состојба лежи во притвор иако не извршил тешко кривично дело, односно не убил никого, додека пак други лица кои направиле тешки кривични дела се пуштени на слобода.
На ова, премиерот Заев контрареплицираше и кажа дека законите треба да важат еднакво за сите и повтори дека притвор треба да има само кога тоа е навистина неопходно.
Виктор Јованов