Советот на општина Дебар денеска ја одржа конституивната седница, на која беше избран претседател на Советот како и соодветните општински комисии.
Со седницата раководеше Еуген Цами од Алијансата за Албанците како највозрасен советник, до изборот на Башким Машкули за претседател на Советот. Машкули е советник од ДУИ а на оваа функција беше и во измнатите четири години.
– Како и до сега и во следните четири години ќе соработувам со сите советници без разлика на партиската и друга припадност. Одлуките кои ќе ги донесуваме ќе бидат во интерес на граѓаните и развојот на нашата општина, рече Машкули заблагодарвајќи се на дадената доверба.
На седницата присуствуваше и градоначалникот Ружди Љата, кој им посака успешна, плодна работа на советниците.
Во 15-члениот совет на општина Дебар, петмина советници се од ДУИ, по три имаат СДСМ и Алијансата за Албанците и по два ВМРО-ДПМНЕ и Движењето „Беса“.