Иницијативи поврзани со екологија, поставување на забавен парк за деца, разубавување на неколку подрачја и подобрување на социјалниот живот во рурални средини се дел од акциите реализирани од младите од Куманово во соработка со жителите од Куманово, Липково и Старо Нагоричане во рамки на иницијативата на Центарот за интеркултурен дијалог во партнерство со „Мрдни со прст“.
Ова беше соопштено на завршниот настан кој го организираше ЦИД во Центарот за култура. Акциите се реализраат како барање на граѓаните, кои се вклучиле во имплементација на иницијативите.
Целта на овие акции, како што посчија од ЦИД е да се нагласат потребите на граѓаните во општество и да им се овозможи пристап кон разни алатки и ресурси за активно да се приклучат во подобрување на заедницата во која живеат.
– Во Куманово беа спроведени три иницијативи едната за почисто Куманово која се состоеше од еколошки акции на три различни места, втората беше креирање на катче за час во природа за сите кои го посетуваат дневниот центар за лица со посебни потреби и третата иницијатива беше 3Д Улична уметност спороведено во дворот на младинскиот центар Мултикулри, изјави Ивана Стојчевска од ЦИД.
Во Липково, младите заедно со жителите од Оризаре изградија детско катче во основно училиште, а во село Слупчане беше поставена урбана опрема, корпи за отпадоци, клупи долж кејот кој е во изработка, а поставена е и автобуска постојка. Во рамки на иницијативата во Старо Нагоричане беше реконструирана просторија која на младите ќе им служи како катче за социјализација, дружење.
Иницијативите, велат од ЦИД потекнале од самите граѓани кои преку отворени собир ги предложиле како дел од потребите во конкретните општини. Сите активности се реализираа во октомври.