Во Основниот суд Куманово денеска продолжи рочиштето против обвинетиот Бобан Илиќ, кого обвинителството го товари дека на 25 јуни минатата година го убил четиригодишниот Алмир Алиу, по претходна вербална расправија со таткото на момчето во кумановскиот Здравствен дом.
Осомничениот се товари дека го прегазил четиригодишниот Алмир на улицата „Борис Кидрич“. За истиот настан против три други лица, инаку, таткото на детето Седат Алиу, Сами Демири и Абдула Алиу е поднесено обвинение за сторено кривично дело „насилство“.
Според информациите од адвокатите на инволвираните во случајот, Асмир Алиспаиќ и Стеван Павлески и обвинителството, денеска била разгледана видео снимката направена на барање на обвинителството за интензитетот и фрекфенцијата на сообраќајот во тој дел од градот за време на празникот Раманазан.
Наредното рочиште е закажано за 15 ноември, годинава.