Лидерот на ВМРО-ДПМНЕ обвини за изборна кражба и нерегуларни избори со „многу нерегуларности, индиции за поткуп на гласачи, закани и уцени од униформирани и неуниформирани лица, „бугарски воз“, гласачки ливчиња носени од едни во други општини за „бугарски воз“, уцени врз вработени од државата администрација и огромен молк од полицијата која е учесник во изборната измама“. Тој обвинувањето го прошири и на првиот круг на избори дури и во предизборниот период.
– Илјадници флаери беа расфрлани уште изутринава. Во Кисела Вода таткото од кандидатот за градоначалник кажувал дека сега биле власт можеле да избркаат секого кој нема да гласа за СДСМ. Имаше и поткуп на гласачи ви Визбегово, каде лично кандидатот на СДСМ делел прехранбени намирници за поткуп на гласачи, организиран поткуп имаше и во Штип, рече Груевски.
Полицијата не презеде ништо за овој случај. Беше спречен обид за “бугарски воз“ во општина Чаир. Гласачко ливче од Гази Баба е пронајдено во гласачко место во Штип, обвини Груевски.
Тој кажа и дека во општина Новаци припадници на полицијата вршеле притисок, велеле ако не гласате за СДСМ ќе ве снајде страшна судбина.
– Во Бутел видовме видео снимка како активисти на СДСМ се закануваат на граѓани да не излегуваат на гласање. Групно гласање имаше во Сарај. Виница не паметела повеќе полиција вклучително и специјални полициски сили. Ова не не изненади, зошто целата кампања беше во знакот на организирање на криминални избори, рече Груевски.
Тој кажа дека дел од инженерингот биле и активностите на СЈО.
– СЈО беше поактивно и од кога да е. Апсењето на Едмонд Темелко освен што е притисок да прифати се што бараат од него, истовремено е и порака до сите што ќе ги снајде ако имаат патриотски пориви. Кривичните пријави за голем број градоначалници беше обид не само да се оцрнат туку и да се испрати порака до нашите активисти дека е добро да се повлечат, рече Груевски.