Ограбена е златарата Голд која се наоѓа во центарот на Охрид, во близина на стариот чинар.
Две непознати лица кои биле маскирани влегле во златарата, каде што во моментот се наоѓала вработената, под закана со пиштол одзеле непозната количина на злато од пултот и од страничните делови на златарата.
Веднаш потоа се обиделе да избегаат со мотор кој бил паркиран пред златарата, но бидејќи не успеале да го стартуваат моторот избегале со трчање.
Кражбата се случила околу 20 часот, во моментот кога во близина имало и голем број граѓани. Од полицијата информираат дека се во потрага по лицата и оти во моментот се врши увид на лице место
