Независниот кандидат за градоначалник на Кавадарци од првиот круг Борис Давидов, кој не влезе во вториот круг, денеска на прес-конференција рече дека ја дава поддршката за Бетијане Китев во вториот круг, кандидатот за градоначалник од СДСМ и коалицијата и побара тоа да го направат и гласачите кои го поддржале него во првиот круг.
Поддршка за Бетијане Китев од кавадарчани денеска на прес-конференција побара и Раим Сулејманов, претседател на Здружението „Тиквешки Роми“ од Кавадарци.
Тој, како што рече, заедно со припадници на ромската заедница ги согледале активностите од двете политички партии и програми за Кавадарци и колку ги вклучуваат Ромите, и оти се изјаснуваат за промени.
Ги повика гласачите од ромската заедница во Кавадарци да гласаат за Бетијане Китев.