Центарот за ромска заедница „Дром” учествува во проектот „Работен клуб за невработени жени од етничките малцинства во Македонија“, финансиран од ЕУ.
Целта на проектот е да се стимулираат и охрабрат 300 жени од етничките малцинства во Македонија, да влезат на пазарот на трудот преку обука, како да најдат работа, посредување при барање на работа, курсеви за професионално и стручно оспособување и обука за самовработување.
Во Кумановско е предвидено во овој клуб да учествуваа 60-тина жени. Работниот клуб ќе го спроведуваат шест локални невладини организации, „Женска акција“, Арачиново, Центар за образовна поддршка „Дендо вас“,Скопје, Центар за Ромска Заедница,Куманово, Центар за одржлив развој „Порта“ Струмица и Женски Центар Дебар.
СЕЕД Фондацијата од Холандија е имплементатор и менаџер на проектот, информира Ахмет Јашаровски од „ДРОМ”.
Во проектот освен, невладини организации вклучени се и локални и државни институции, синдикати и работодавачи.Во наредниот перид планирано е да се одржат обуки, да се подготват бизнис идеи, да им се даде поддршка на жените членки на клубот во подготовка на бизнис идеи, поддршка за регистрирање на мали претпријатија.Проектот е предвиден да трае наредните петнаесет месеци.