МЗТ Скопје Аеродром го забележа третиот пораз во регоналната кошаркарска АБА лига, откако синоќа на домашен терен загуби од Цибона со 83:76.
Малиот број постигнати поени во последната четвртина, само 11 и големата разлика во бројот на скокови (24-36) се клучните причини за поразот на „штрковите“.
Бојан Трајковски со 25 поени беше најефикасен кај МЗТ Скопје Аеродром, Јуре Лалиќ постигна 16 поени, Ерик Гарсија 14, а Дамјан Стојановски 12 поени. Лука Жориќ со 25 беше најдобар поединец во хрватската екипа.
По пет рунди лидер на табелата е Будуќност со 9 бода. Цибона е на делба од 2-6. место со 8 бода, МЗТ е во групата на пет екипи од 7-11. место со по 7 бодови.
Следен противник за македонскиот шампион во АБА-лигата е Црвена ѕвезда, в понеделник во Белград.