„Стајковци досега беше запоставено од локалната власт предводена од Тони Трајковски. Одводните канали тука не се чистат и не постои функционална одводна мрежа. Директна последица од ваквата негрижа и неодговорно однесување се поплавите минатата година. Жителите на Стајковци и околните села се соочија со катастрофални последици и ова никогаш повеќе нема да дозволиме да се повтори.
Токму затоа новата локална власт во соработка со Град Скопје предвидува конкретни решенија за превенција од поплави. Прво, ќе изградиме одводен канал на ул. „Антон Велковски“, во должина од 1.200 м, преку кој ќе се слева атмосферската вода. Предвидуваме планско одржување на сите канали на територијата на општина Гази Баба. Буџетот кој сега се одвојува е премал и ние ќе го зголемиме како би имале доволно средства за таа намена.
Ветуваме и целосно покривање на каналот во с. Синѓелиќ. Тука ќе се постави нова автобуска постојка, за линијата 45. Просторот ќе го уредиме и со мал плоштад со површина од 2 000 м2, каде што ќе се постават клупи за одмор и рекреација на локалните жители. Со ваквото уредување, ќе овозможиме и пристап до стадионот „Фортуна“, за кој предвидуваме реконструкција. Истиот ќе прерасне во модерен спортско-рекреативен центар.
Граѓаните на Гази Баба заслужуваат безбедна и модерна општина, а ние имаме конкретен план тоа да го овозможиме. Наскоро ќе ја заокружиме победата и тука. За подобар живот за сите!“, изјави Борис Георгиевски-кандидат за градоначалник на Гази Баба од СДСМ.