Министерот за надворешни работи Никола Димитров денеска имаше проштална средба со словачкиот амбасадор во земјава Мартин Безак.
Димитров изразил високо уважување за соработката со Словачка и за личниот придонес на амбасадорот Безак во продлабочувањето на македонско-словачките односи за време на неговата дипломатска мисија во Македонија, како и за активностите за време на словачкото претседавање со Советот на ЕУ минатата година, соопшти МНР.
Осврнувајќи се и на европската и евроатлантската интеграција на земјава, Димитров се заблагодарил за словачката политичка поддршка, но и конкретната помош за Македонија, насочена кон зголемување на подготвеноста на институциите и администрацијата во процесот на пристапните преговори со ЕУ.
Како што се наведува во соопштението на МНР, во знак на благодарност за неговиот активен ангажман, од името на Министерството за надворешни работи, на амбасадорот Безак му било врачено почесно признание – плакета.