Демократската партија на Албанците вечерва ја заврши предизборната кампања за локалните избори со митинг во Лојане, Липково.
Пред активистите и симпатизерите на ДПА се обратија Орхан Ибрахими, шеф на централниот изборен штаб на партијата, Рагми Јусуфи, носител на листата на советници, како и кандидатот за градоначалник за Липково Бардил Дестани, кои ги претставија програмата и понудата на ДПА, што предвидува вистински развој во оваа општина, која како што се вели, е занемарена од власта.
На присутните на митингот им се обрати и претседателот на ДПА Мендух Тачи, кој меѓу другото потенцира дека албанскиот народ на овие избори треба да даде силна порака дека веќе нема да дозволи албанското прашање да биде заложник на разните манипулативни комбинаторики.
– За мизеријава што ви ја донесе ДУИ сите овие 15 години, Албанците во Куманово, на овие избори треба да го казнат силно Али Ахмети и неговата партија, рече Тачи.