Екипата на Арсенал иако важеше за фаворит, не успеа да победи на гостувањето кај Саутемптон. „Топџиите“ на последниот вчерашен дуел од 21.коло во Премиер лигата одиграа нерешено 1:1 со екипа од долниот дел на табелата и ја прекинаа серијата од четири победи во низа.
За разлика од Арсенал, лидерот на табелата, тимот на Манчестер Јунајтед и шампионот Манчестер Сити со победи ја започнаа 2013 година и останаа на истата бодовна разлика на врвот на табелата и по натпреварите од 21.коло.
Постигнати резултати на седумте досега завршени натпревари од 21.коло во Англиското фудбалско првенство: Манчестер Сити – Стоук 3:0, Виган – Манчестер Јунајтед 0:4, ВБА – Фулам 1:2, Тотенхем – Рединг 3:1, Вест Хем – Норвич 2:1 и Свонси – Астон Вила 2:2, Саутемптон – Арсенал 1:1.
Денеска на програмата се натпреварите: Челзи – Квинс Парк Ренџерс, Ливерпул – Сандерленд и Њукасл – Евертон.
Табела: Манчестер Јунајтед 52 бодови, Манчестер Сити 45, Тотенхем 39, Челзи 38 (-2 натпревара), Арсенал 34 (-1), Евертон 33 (-1), ВБА 33,…