Саша Богдановиќ, кандидатот на СДСМ за градоначалник на општина Центар најави крај на урбаната мафија и носење на плановите заедно со граѓаните.
„Со моето доаѓање за градоначалник на општина Центар најавувам КРАЈ на урбаната мафија и на урбаното дивеење.
Најпрво ќе извршиме ревизија на сите ДУП-ви кои тогашната власт на ВМРО-ДПМНЕ ги носеше тајно во раните утрински часови.
Сите планови ќе ги објавиме јавно и ќе ставиме мораториум за градба се до носење на планови според неопходните стандарди.Заедно со вас граѓани на Центар ќе ги изготвуваме урбанистичките решенија, бидејќи тие треба да се во ваш интерес, а не во интерес на некои моќници.
Ќе ја прекинеме практиката во секој нареден детален урбанистички план за Центар, без предходна анализа и попис на населението, да се зголемува дозволената висина на објектите.
Ќе забранам градежни активности во месеците кога се зголемува нивото на загадување. Во Центар приоритет ќе бидат граѓаните и хуманото живеење“, изјави Богдановиќ.