Германија е загрижена за оценката на американскиот претседател Доналд Трамп дека Иран не се придржува до Договорот за ограничување на нуклеарното оружје, а тоа би можело да ја одврати Северна Кореја од било каков договор за прекин на развојот на нејзината нуклеарна програма, изјави шефот на германската дипломатија Зигмар Габриел.
Тој истакна дека Германија е подготвена да го зајакне притисокот врз Иран со дипломатски средства, но оти Берлин не сака да види дека се нанесува штета на тој договор.
– Нашата голема грижа, во поглед на Северна Кореја, е дека е малку веројатно оваа диктаторска земја, да е подготвена да се согласи на меѓународен договор и да се откаже од развој на нуклеарно оружје, ако единствениот договор на светот, кој овозможи такво одрекување, е доведен во прашање, нагласи Габриел.