Таканаречената „Тиранска платформа“ не е причината што Груевски не е повеќе на власт, рече Еди Рама во интервју за германски „Стандард.
Тој во интервјуто кажува дека нема конфликт со Груевски и дека тие двајца се пријатели.
– Јас не се замешав во македонските избори, ниту им наложив на партиите на Албанците во Македонија што да прават. За нас Македонија е централна, секоја закана за интегритетот на Македонија е опасност за целиот регион, рече Рама.
Албанскиот премиер сепак смета дека е природно што претставници на албанските политички партии по изборите, од Тирана барале мислење како да постапат кога станува збор за формирање влада.
– Албанците во Македонија не се малцинство туку конститутивен народ и ако на нив им се помага, тоа значи дека и се помага и на Македонија во зацврстувањето, нагласува Рама.