„Владата на СДС продолжува да создава хаос во здравството. Деновиве откако почина родилката во Тетово, потоа почина и нејзиното новороденче. Ова е уште еден случај кој ја дополнува низата на скандали во здравството. Имено во последните два месеци починаа осум новороденчиња.
Клиниката за детски болести е местото каде се праќаат новороденчињата кои имаат здравствени проблеми. Но, одделот за интензивна нега при Клиниката за детски болести кој е најпотребен за овие случаи никако да биде отворен.
Инаку одделот е одамна целосно опремен и подготвен да се стави во функција.
Она што може да се слушне е само дека ќе биде отворен овој оддел. Директорката Ставриќ одреден период не е на Клиниката, односно користи годишен одмор.
За сето ова потребно е некој од одговорните да се огласи и да даде одговор на јавноста. Никој од надлежните очигледно не е засегнат и не чувствува одговорност.
Се поставува прашањето каде е директорката на Клиниката за детски болести, каде е одговорниот или заменик министерот за здравство Гоце Чакаровски. Чакаровски воедно да потсетиме е и гинеколог, како и специјален советник за гинекологија на министерот.
Колапсот на здравството водено од владата на СДС резултираше и со умирање на новороденчиња. Сето ова безредие и загриженост кај родителите ќе добие завршница“, изјави Јасминка Дамчевска – ВМРО-ДПМНЕ .