Отворање нов Граѓански сервис центар, во кој граѓаните на Општина Велес на едно место ќе можат да ги остварат сите нивни барања и потреби, поврзани со добивања на одредени услуги и документи, како од локалната самоуправа, така и од органите на централната власт, најави кандидатот за градоначалник на Велес од СДСМ и Коалицијата, Аце Коцевски.
Планираме, рече, тој проект да биде реализиран во партнерство со Владата на Република Македонија и неколку министерства и потоа да биде реализиран и во останатите општини во Република Македонија.
На тој начин, потенцира, граѓаните на Велес ќе добијат многу побрзи, поквалитетни и поевтини услуги, наместо да одат, да талкаат, од еден до друг шалтер, како што е тоа во моментот.