Кандидатот за градоначалник на Кисела Вода од СДСМ и коалицијата Филип Темелковски денеска изјави дека со добро менаџирање на општината ќе се создаде позитивна клима и за вработените во администрација и за граѓаните.
– Со компјутерско поврзување на исто место ќе може да добиваат услуги, и од органите на локалната, и од органите на централната власт. Воведуваме електронски систем на услуги и мобилни канцеларии истите услуги ќе бидат достапни и во нај оддалечените делови во Општината Кисела Вода, рече Темелковски.
Тој додаде дека ќе ја вратат моќта на месните и урбаните заедници, и дека ќе бидат опремени со технички услови за зајакнуваме нивниот правен статус.
– Преку нив директно ќе ги вклучиме граѓаните во креирањето на буџетот, во носење клучни одлуки и во целосна контрола на локалната власт. Воведуваме строго наменско, транспарентно, домаќинско и одговорно користење на буџетските средства, преку редовно известување за сработеното, и преку отчетност до секој граѓанин на општината. Накусо, Воведуваме Европска, отворена и услужна локална самоуправа, општина за сите, рече Темелковски.
