Транспарентна општина вети денеска на прес-конференција Бетиан Китев, кандидат за градоначалник на Кавадарци од редовите на СДСМ и коалицијата.
– Токму затоа уште првиот ден после изборите ќе ја отвориме општината за даможе секој граѓанин да добие навремени, квалитетни и поевтини услуги, нагласи тој.
Како иден градоначалник, рече, ќе воведе низа новини во работењето на општина Кавадарци.
– Како прво, ќе воведеме двократно работно време на општинската администрација, со цел подобро опслужување на потребите на граѓаните. Ќе воведеме и кол центар каде граѓаните ќе може да се жалат за работата на институциите и одредени служби или да даваат свои предлози и сугестии, нагласи тој.
Најави дека одредени седници на Советот на општина Кавадарци ќе се одржуваат по селата, кога се дебатира за прашања од нивна проблематика.