Кандидатот за градоначалник на Куманово од коалицијата предводена од СДСМ, Макским Димитриевски најави воведување електронски систем на услуги и мобилни канцеларии во општината.
– Сакаме да ја отвориме локалната самоуправа за да може секој граѓанин да добие навремени и квалитетни евтини услуги од општината. Граѓаните ќе ги добијат сите потребни услуги и од локалната и од централната власт на едно место. Воведуваме електронски систем на услуги и мобилни канцеларии кои ќе нудат услуга во секое населено место и село. Ги вклучуваме граѓаните во креирањето на буџетот со нов концепт за граѓански буџет. Ја враќаме моќта на месните и урбаните заедници и ги опремуваме со технички услови и го зајакнуваме нивниот капацитет, рече Димитриевски.
Посочи дека ќе обезбедат јавен превоз јавен превоз, пријатни детски градинки, чисти и згреани училишта, поддршка, a додаде дека ќе обезбедат и помош за најзагрозените семејства и лица во општината.