Од денеска до 1 октомври во Скопје ќе се одржува 26. Меѓународен детски фолклорен фестивал „Оро без граници“, кој го организира Детскиот културен центар „Карпош“ во соработка со Град Скопје и Министерството за култура.
Годинава на фестивалот ќе учествуваат детски фолклорни ансамбли од Хрватска, Полска, руската автономна република Јакутија, Србија, Бугарија, како и македонски ансамбли.
Свеченото отворање на фестивалот ќе биде на плоштад „Македонија“ во 18.30 часот со настап на сите групи (странски и домашни) кои учествуваат на годинашниот фестивал.
Во недела, 1 октомври, за учесниците ќе биде организиран пикник во Лешочкиот манастир каде ќе биде и затворањето на фестивалот.